مـــــن رحمة الله فـي قلبي رحمـــه*****ومن افضالو عليّ هذا الضعف وخــــوف
لــــثالث مره نشوف بعينيّ الغمّــه*****من القطّه وقطيطه وبعد الجــرا لخـروف
يظهر لي في الريف من آيه لحكمــه*****والمدينه تنسّي البومباردي مخلــــــوف
رحمتك يارب في هذي الظلمــــــــه*****هذي ثاني ليلــه وراك تعلم وتشـــــــوف
كان ولدي غطّّــاه بالفيسته ثمــــــه*****انا في نص الليل فرّشت تحت الصــوف
في حسابنا مسكيــن حكماتو الحمـّى *****ببروده و يحتــــــاج منّــا للمعــــروف
ينازع كي ابن آدم واحنا في ملمّـــه *****ما اصعبها لحظه والموت ماو مشلوف
الثلاثاء 13 ديسمبر 2016 - 13:23